O pleno de Poio aproba a modificación orzamentaria para ampliar en 12.000 euros o Fondo de Emerxencia Social
Por Redacción
O pleno do Concello de Poio aprobou este martes unha modiciación orzamentaria mediante o suplemento de crédito financiado inicialmente destinados á organización de eventos e festexos cancelados pola pandemia que se destinarán agora a reforzar con 12.000 euros o fondo de emerxencia social do Concello.
A concelleira responsable da área de Servizos Sociais, Rosa Fernández, explica que este departamendo dispón de fondos suficientes para seguir axudando a preto de 300 familias do municipio. "Os cartos que utilizamos para esta prestación non se están a esgotar pero estas achegas fanse de xeito periódico e continuaremos facéndoo no futuro para dar cumprimento ás necesidades das familias que se atopan nunha situación económica de risco", sinalou a concelleira.
Desde o inicio da pandemia o goberno local foi reforzando con fondos adicionais este departamento. Así, a previsión para finais de ano é superar os 70.000 euros dedicados a este fin.
O pleno acordou tamén a prórroga para o contrato de aluguer do quiosco do bar da Seca, de propiedade municipal.