VIDEO.- Arde o local de VeterisBodas sen que ninguén resultase ferido
Por Oskar Viéitez
Un incendio calcinou esta tarde parte do local da empresa Veteris Bodas situada na Avenida de Lugo. Trátase dunha empresa de discotecas móviles que tamén fai servizos de sonorización para eventos.
Por fortuna, non houbo que lamentar danos persoais pero si deixouse notar a preocupación dos veciños cando chamaron ao 112 Galicia para pedir axuda, pasados uns minutos das 16:00 horas da tarde deste venres. Segundo os seus relatos, escoitouse un estoupido e rebentaron os cristais do local. Ademais, aseguraban que saía fume do establecemento e non sabían se había xente no seu interior.
Por iso, desde o 112 Galicia pasouse aviso de inmediato ao Servizo de Urxencias Sanitarias de Galicia-061, aos Bombeiros da cidade e á Policía Local, que xa tiñan constancia do suceso.
Con todo, nada mais dar por finalizada a extinción das lapas, os Bombeiros relataron que, posiblemente, a calor producida polo mesmo incendio foi o que provocou o rebentón dos cristais. Iso si, confirmaron que só se produciron danos materiais e que ardeu o establecemento.
Engadiron, ademais, que polo momento descoñécense as causas que orixinaron o lume.