Zona Monumental renova a súa directiva, na que Miguel Lago repite como presidente
Por Redacción
O Centro Comercial Urbano CCU Zona Monumental acordou na súa última reunión, celebrada este xoves 24 de setembro, renovar a súa xunta directiva, na que Miguel Lago repetirá no cargo de presidente como representante do supermercado Mercaplaza.
Na nova xunta directiva tan só repetirán dous cargos, o propio Miguel Lago e o vicepresidente, Raúl Facciola Moreira (Creperie Cre- Cotte).
O resto de integrantes son novas incorporacións. Como secretario estréase Adrián García Suárez (Almacéns Clarita), a tesoureira será Marta González Curros (La Gramola) e a vocal será Carlota Magariños Pensado (Ricar Moda).
A elección da nova directiva realizouse durante a Asemblea Xeral Extraordinaria de Elección celebrada este xoves na sede da asociación na rúa Sierra. Era o único punto da orde do día e a directiva finalmente elixida era, ademais, a única candidatura presentada, de modo que, tal e como marcan os estatutos, foi elixida de forma automática.
A xunta directiva dirixirá a asociación de comerciantes o próximos catro anos.