A demanda de recuperar a aula de 4º curso no CEIP Barcelos chega ao Parlamento galego
Por Redacción
Familias de escolares de cuarto curso do CEIP Praza de Barcelos desprazábanse este xoves ata o Parlamento autonómico, onde os recibía a portavoz nacional do BNG, Ana Pontón e o deputado nacionalista delegado de Educación, Manu Lourenzo.
Estes representantes políticos rexistraron na sede parlamentaria galega unha iniciativa esixindo que se recupere a aula suprimida este curso e que supón axuntar a vinte e tres menores nunha mesma clase. Esta demanda leva parella a dotación do persoal necesario para que se reabra dita aula.
Ana Pontón expuxo que "cada día son máis os problemas como os do CEIP Barcelos, o que se evidencian en todo o país. A Xunta debe contratar máis profesorado de forma inmediata para atallar estes problemas. Non se entende que en Infantil e Primaria non se esixan nin sequera distancias de seguridade. Son momentos de estar á altura e a Xunta debe actuar con responsabilidade para poñer todas as medidas necesarias que garantan a seguridade dos nosos nenos e nenas".
Pola súa banda, estes proxenitores cuestionaban que "ante unha situación na que seguridade nos centros de ensino esixe reducir os reducir as ratios, no noso centro lonxe de reducirse, dóbranse".
Relacionadas:
-
Os centros educativos de Pontevedra e O Salnés suman 37 positivos por Covid-19
Por Natalia Puga |
-
Dúas clases do colexio de Barcelos, en corentena por coronavirus
Por Redacción |
-
Familias do CEIP Praza de Barcelos: "Nos suprimen unha aula cando máis falta fai. É incomprensible"
Por Alejandro Espiño & Mónica Patxot |
-
Pais de alumnos do CEIP Praza de Barcelos mobilízanse contra a supresión dun grupo de Educación Infantil
Por Redacción |