A cifra de casos activos de coronavirus chega a 760 na área sanitaria tras unha xornada con 39 novos contaxios
Por Diego Espiño
A tendencia á alza con respecto aos datos de afectados de COVID19 na área sanitaria de Pontevedra e O Salnés mantense unha xornada máis.
Segundo reflicte o balance oficial da Consellería de Sanidade este xoves 24 de setembro, contabilizáronse 39 novos positivos na área pontevedresa.
Desta forma a cifra de 'casos activos' elévase ata os 760, o que supón 24 máis que o día anterior ao ter que descontar os 15 pacientes que recibiron o alta epidemiolóxica.
Este aumento non fixo variar o número de hospitalizados por coronavirus, que se mantén en 20 persoas, 5 delas na Unidade de Coidados Intensivos (UCI). Os demais evolucionan en planta no Hospital Montecelo (12), Hospital do Salnés (1) e QuirónSalud Miguel Domínguez (2).
Desde o inicio da pandemia superaron o COVID 1.214 pacientes en Pontevedra e O Salnés, rexistrándose 19 falecementos asociados ao virus. En canto ás probas PCR, nas últimas 24 horas realizáronse 633, que se engaden ás 38.055 efectuadas previamente.
A nivel autonómico a Dirección Xeral de Saúde Pública informa que, na última actualización, o número de casos activos de coronavirus en Galicia é de 4.461, un máis que o mércores. Deles 1.113 son da área da Coruña, 640 da de Lugo, 659 da de Ourense, 760 da de Pontevedra, 502 da área de Vigo, 608 da de Santiago, e 179 da de Ferrol.
Do total de pacientes positivos, 34 están en UCI, 200 en unidades de hospitalización e 4.227 no domicilio. Polo de agora, en Galicia hai un total de 17.572 persoas curadas, rexistrándose 726 falecementos. As últimas persoas falecidas en centros hospitalarios son un home de 93 anos que estaba ingresado no Hospital de Verín e un home de 87 anos que estaba ingresado no HULA. Ademais, engádese o falecemento, no seu domicilio da área sanitaria de Lugo, dunha muller de 88 anos. Todos eles con patoloxías previas.
Relacionadas:
-
Continúa o avance de positivos na área sanitaria, que sumou 36 novos brotes desde que hai restricións
Por Natalia Puga |
-
Pelotóns de 40 militares traballarán desde Figueirido de luns a luns de 9 a 22 para rastrexar a Covid-19 por Galicia
Por Natalia Puga & Mónica Patxot |
-
Unha escalada que non cesa: medio centenar de novos positivos de COVID na área sanitaria e 737 casos activos
Por Diego Espiño |
-
A Boa Vila segue medrando en número de contaxiados mentras remite nos concellos veciños
Por Oskar Viéitez |
-
Pontevedra rexistra 39 novos contaxios de COVID e sitúase como segunda área sanitaria galega con peores datos, con 702 casos activos
Por Diego Espiño |
-
En Pontevedra hai 338 casos activos de coronavirus, 51 en Marín e 56 en Poio
Por Oskar Viéitez |
-
A semana comeza con 28 novos positivos por COVID e 667 casos activos na área sanitaria
Por Diego Espiño |