O peche de Raíña Vitoria ao tráfico será efectivo a partires deste xoves
Por Oskar Viéitez & Mónica Patxot
Durante a xornada do martes e este mércores estanse realizando os traballos precisos para que este xoves, a partires das oito da mañá, quede a rúa Raíña Vitoria Uxía pechada ao tráfico, entre a entrada ao estacionamento de Montero Ríos e a rúa Palamios.
Segundo o Goberno local o obxecto desta medida é "facilitarlle ao centro de ensino IES Sánchez Cantón o cumprimento do protocolo Covid na entrada e saída e nas horas de descanso".
Nestas dúas xornadas previas estase procedendo a deixar instalados os elementos precisos para a colocación de morróns, así como a sinalización necesaria para indicar tanto a restrición do tráfico neste treito como os cambios que o peche implica nas rúas San Roque, Palamios e Pastor Díaz. Os morróns quedarán colocados entre Pastor Díaz e Palamios e despois da entrada ao estacionamento de Montero Ríos.
Esta medida implica cambios nas rúas colindantes.
No caso da rúa Palamios establecerase unha liña de servizos e de carga e descarga en fronte da fachada do centro educativo. Na saída traseira do instituto reordenarase o espazo, eliminado a actual zona de estacionamento, para gañar máis espazo público para o centro do ensino e garantir a saída do alumnado en condicións de seguridade.
Na rúa de San Roque, diante da gardería do Toxo, establecerase unha nova zona de servizos, tamén para uso da gardería, mentres que a zona de reserva para o bus turístico quedará establecida na marxe de enfronte.
O acceso ao garaxe da rúa Pastor Díaz 25, que ten a entrada por Raíña Vitoria Uxía, realizarase desde a rúa Palamios.
O plan de tráfico deseñado contempla que a entrada e saída para a praza de Galicia sexa pola rúa Xeneral Rubín. Desde San Roque poderase acceder á entrada do estacionamento soterrado de Montero Ríos e cara a rúa Alameda. As rúas San Xosé e Pastor Díaz quedan restrinxidas a servizos e residentes.
Relacionadas:
-
Rafa Dominguez pide volver abrir Raíña Vitoria "mentres non se demostre que o corte é viable e factible"
Por Almu Dapena |
-
A asociación de técnicos sanitarios cualifica de "temeridade" a instalación de bolardos fixos en Raíña Vitoria
Por Diego Espiño |
-
Un bando regula o peche da rúa Raíña Vitoria
Por Redacción |
-
Os institutos volven á vida por quendas e moi ordeados para tentar evitar aglomeracións
Por Manu Otero & Mónica Patxot |
-
Rafa Domínguez, sobre o peche de Raíña Vitoria: "Se pone la pandemia como excusa de una decisión política"
Por Natalia Puga |
-
Raíña Vitoria cortarase ao tráfico con "carácter permanente" para favorecer a entrada, saída e recreos do Sánchez Cantón
Por Diego Espiño |