Un raio provoca un incendio forestal na Illa de Ons
Por Manu Otero
Creada e actualizada
Creada e actualizada
Un incendio forestal atópase activo na Illa de Ons, pertencente ao Parque Nacional das Illas Atlánticas. A consellería do Medio Rural recibiu un aviso ás 16.56 horas deste xoves 17 de setembro do avance dun lume en terreo forestal deste arquipélago.
Segundo as primeiras investigacións, apuntan desde Medio Rural que a orixe do incendio pode estar na caída dun raio como consecuencia das tormentas que se están producindo esta tarde nas Rías Baixas.
A Xunta ordenou xa a mobilización de dous axentes forestais e catro brigadas que viaxan nestes momentos cara á illa pertencente ao Concello de Bueu para valorar os danos e levar a cabo os labores de extinción.
O incendio afectou principalmente a zona de matogueira nunha das escarpadas ladeiras da illa, cunha primeira estimación que sitúa en 4 as hectáreas calcinadas, todas elas de monte raso.
Ás 00.12 horas da madrugada, o lume quedou estabilizado, segundo a información da Consellería de Medio Rural. A medición inicial de 4 hectáreas é provisional, segundo as mesmas fontes, ata que se parametrice a superficie final afectada. O servizo de extinción indicou que o lume quedou controlado ás 11.10 horas desta venres.
Mobilizáronse para a extinción 5 axentes, 13 brigadas, unha motobomba e un helicóptero.
Segundo as primeiras estimacións, a superficie afectada provisional no #IFIlladeOnsBueu é dunhas 4 hectáreas de monte raso.
— incendios 085 (@incendios085) September 17, 2020
Relacionadas:
-
Xa se poden presentar alegacións ao plan de actuación contra o risco de incendios forestais de Bueu
Por Redacción |
-
VIDEO.- Arde o local de VeterisBodas sen que ninguén resultase ferido
Por Oskar Viéitez |
-
Piden máis persoal forestal na concentración solidaria coas brigadas que se enfrontan a vaga de lumes en Ourense
Por Mónica Patxot & Anxo Lourido |
-
Cortan a vía rápida entre Noalla e a entrada a Sanxenxo por un lume en matogueiras próximas á estrada
Por Redacción |
-
Volven arder os montes da parroquia cuntiense de Cequeril
Por Oskar Viéitez |
-
Extinguido o incendio forestal de Augasantas, que afectou a 105 hectáreas
Por Redacción |