A Xunta achegará 48.000 euros a catro comunidades de usuarios de auga de Vilaboa
Por Redacción
A Xunta informou esta semana ás entidades beneficiarias da resolución da convocatoria de axudas para 2020 do Plan Específico de acción comunitaria dirixido a asociacións de veciños, comunidades de usuarios de augas e asociacións de mulleres rurais.
As achegas do Goberno galego no marco desta orde supuxeron un investimento duns 800.100 euros para 63 entidades de municipios da área de Pontevedra, entre elas catro comunidades de usuarios de augas Vilaboa e outras de municipios como Pontevedra, Caldas de Reis, Cambados, Cerdedo-Cotobade, A Lama, Marín ou Moraña.
As asociacións beneficiarias nesta orde poderán realizar a través destas subvencións obras de rehabilitación e acondicionamento nolos seus locais e adquirir novos equipamentos co que levar a cabo as súas actividades e a prestación de servizos aos veciños. Ademais, poderán mellorar o abastecemento de auga dalgúns núcleos .