Ampliado o prazo de solicitude de despachos no Espazo Emprendedor de Marín
Por Redacción
A Asociación de Jóvenes Empresarios (AJE) de Pontevedra e o Concello de Marín acordaron ampliar o prazo de recepción de solicitudes de despachos no Espazo Emprendedor de Innovación Alimentaria de Marín ata o 30 de setembro do 2020 debido ao interese suscitado entre as empresas.
A resolución destas solicitudes realizarase nun prazo máximo de dous meses, a partir da data final do prazo de presentación de solicitudes.
As solicitudes, xunto coa documentación requirida, deben ser entregadas nas oficinas de AJE na rúa Ferreiros, número 28, 4ª andar, en Pontevedra, ou a través do correo electrónico info@ajepontevedra.com.
O Espazo Emprendedor de Innovación Alimentaria de Marín é un centro de traballo de coworking público do Concello de Marín, xestionado por AJE Pontevedra. Situado na contorna do porto de Marín, conta con acceso directo desde o centro urbano da vila marinense. As instalacións inclúen tres despachos, unha sala de xuntas, un espazo común, ademais dunha aula de formación especializada en showcooking.
Segundo as bases, que se poden consultar na web de AJE Pontevedra, poderán optar a ser cesionario do Espazo Emprendedor de Marín: as empresas xa constituídas cunha antigüidade máxima de dous anos, filiais, delegacións ou sucursais da empresa matriz; as fundacións, asociacións, federacións, agrupacións industriais ou calquera outra entidade de base asociativa de carácter empresarial; e as empresas de nova creación, entendéndose por tales aquelas empresas en proxecto, empresas que comecen a súa actividade económica nas instalacións do Espazo Emprendedor ou empresas recentes cuxo inicio de actividade tivese lugar como máximo nos dous anos anteriores á data da solicitude de admisión.
Relacionadas:
-
Asinado o convenio para dinamizar o Espazo de Innovación Alimentaria
Por María José Pita |
-
Adxudican a El Abuelo Lelo un dos despachos do Espazo Emprendemento de Marín
Por Redacción |
-
Concello e AJE colaboran na posta en marcha dun Espazo de Innovación Alimentaria de Marín
Por Redacción |
-
Marín prepárase para poñer en marcha o viveiro de empresas
Por Redacción |
-
Zona Franca impulsa en Marín un viveiro de empresas enfocado aos produtos do mar
Por Redacción |
-
AJE abrirá un viveiro de empresas no porto de Marín con espazo para 'showcooking'
Por Redacción |