Pechan un local de Ponte Sampaio onde se celebraba unha festa con 200 persoas
Por Alejandro Espiño
Axentes da Policía Local pecharon este sábado un local de Ponte Sampaio onde, segundo informou o Concello de Pontevedra, estaba a celebrarse unha festa á que asistían unhas 200 persoas e na que se incumprían as restricións impostas pola COVID-19.
A portavoz do goberno municipal, Carme da Silva, explicou que os axentes chegaron ao local, situado nas inmediacións da praia fluvial, sobre as doce da noite e constataron a existencia desta festa, na que había música.
Os asistentes, segundo o atestado policial, estaban en grupos de ata quince persoas e non gardaban as distancias de seguridade. A festa incumpría "claramente" a normativa, segundo Da Silva, que aclarou que o local foi denunciado e precintouse o aparello de música.
O Concello, tras proceder á denuncia do local, remitiu a información á Xunta de Galicia para que lles impoña a correspondente sanción económica.
Ademais, a Policía Local tamén presentou denuncia contra un local de lecer nocturno do centro histórico de Pontevedra, aberto na noite do pasado sábado.
Neste caso, segundo o goberno municipal, o establecemento funciona con "aparente normalidade", con xente consumindo no interior e coa música posta, a pesar de que as restricións da COVID-19 impiden esta actividade -coa excepción das súas terrazas-.
Relacionadas:
-
Denuncian seis persoas por un botellón e tres máis por xogar ás cartas sen máscara dentro dun bar
Por Alejandro Espiño |
-
A Policía Local sanciona dous establecementos hostaleiros do centro histórico por incumprir o horario de peche
Por Manu Otero |
-
O lecer nocturno da Hostalería de Pontevedra pide á Xunta un plan de rescate
Por Redacción |
-
Os contaxios en Pontevedra, disparados: 55 casos positivos por COVID-19 nun día
Por Alejandro Espiño |
-
Só catro persoas están dadas de alta no servizo de recollida de lixo para doentes de COVID-19
Por Redacción |
-
Lores pide "responsabilidade" para frear a COVID-19, que alcanza 244 casos en Pontevedra
Por Alejandro Espiño |
-
Superado o medio milleiro de positivos en Pontevedra-O Salnés con 35 novos casos nas últimas horas
Por Redacción |
-
Sanidade pecha o colexio Calasancio por un gromo con nove casos positivos de coronavirus
Por Oskar Viéitez | Creada e actualizada
-
A Área Sanitaria da conta de 37 novos casos activos de covid
Por Oskar Viéitez |