Ferido un condutor de 29 anos nun accidente en Oubiña
Por Redacción
O Servizo de Emerxencias do Concello de Cambados acudía ás 09.15 horas deste xoves 10 de setembro a un accidente de tráfico que se rexistraba na PO-300 ao seu paso pola parroquia de Oubiña no municipio de Cambados.
No accidente, un home de 29 anos que conducía o turismo que sufría importantes danos materiais na parte dianteira, queixábase de dor cervical e lumbar. Foi trasladado por unha ambulancia ao Hospital do Salnés para ser sometido a unha exploración médica.
Na intervención, ademais do servizo de Emerxencias de Cambados participaba a ambulancia do 061 e a Garda Civil de Tráfico, que investiga as causas do sinistro.