A construción do centro sociocultural de Tenorio entra na súa recta final
Por Redacción
As obras de construción do novo centro sociocultural de Tenorio entran na súa fase final co inicio dos traballos de levantamento de paredes, tabiques interiores, instalación da cuberta e implantación de servizos despois de completar a colocación da estrutura xeral. O obxectivo do Concello de Cerdedo Cotobade é telo en funcionamento ao longo do 2021.
Os 560 metros cadrados de superficie que terá o inmoble, servirán para acoller toda a actividade social e cultural da parroquia. Cun orzamento de 620.000 euros, despois da obra o centro contará cunha sala dobre de 170 e 107 metros cadrados, que poderían utilizarse de forma conxunta.
Nestes espazos organizaranse todas as actividades da parroquia, prestando especial atención a aquelas que sexan beneficiosas para os maiores e os colectivos culturais e musicais. Ademais haberá tres aulas, dúas oficinas, catro aseos, almacén e soportal.
Un dos grandes atractivos do inmuieble será o miradoiro interior con balcón da parte posterior con vistas á parroquia de Tenorio e ao val do Lérez.
Relacionadas:
-
Un aparcamento e unha área recreativa completarán o centro sociocultural de Tenorio
Por Redacción |
-
Comeza o acondicionamento interior do Centro Sociocultural de Tenorio
Por Redacción |
-
As obras do centro sociocultural de Tenorio van cumprindo os prazos
Por Redacción |
-
Cerdedo-Cotobade reforza a limpeza nos seus centros educativos de Educación Infantil e Primaria
Por Redacción |
-
Retoman a obra do centro sociocultural de Tenorio coa instalación da estrutura xeral
Por Redacción |
-
Comeza a construción do Centro Sociocultural de Tenorio cun orzamento de 583.000 euros
Por Redacción |