Organizan dúas viaxes á illa de Ons desde o porto das Corbaceiras
Por Redacción
Ata o de agora, só era posible visitar a illa de Ons saíndo desde Pontevedra se se trataba de grupos organizados pero, esta próxima fin de semana, habilitarase un barco de liña regular. Así o anunciou a navieira Mar de Ons.
As viaxes, que serán o sábado 12 e o domingo 13, sairán do porto das Corbaceiras ás 10:45 horas e a hora de regreso desde a illa de Ons será ás 18:30 horas.
Con esta iniciativa, a compañía quere poñer o broche de ouro á tempada alta de visitas, que finaliza o próximo 15 de setembro.
Ao longo deste verán, a navieira mantivo operativas as liñas a Ons desde Sanxenxo, Portonovo, Bueu, Vigo e Combarro.
Para visitar a illa de Ons, que ten unha cota limitada de 1.300 persoas ao día, é necesario retirar antes na central de reservas da Xunta de Galicia a autorización correspondente necesaria tanto para desembarcar como para adquirir o billete de barco.
A navieira lembra que este paso é previo á compra do billete e unha vez obtida hai dúas horas para completar a compra do billete de transporte para as viaxes realizadas ata o 15 de setembro.
Relacionadas:
-
Un milleiro de pasaxeiros xa reservaron billete para viaxar a Ons e Cíes en Semana Santa
Por Redacción |
-
Rumbo a Ons desde As Corvaceiras
Por Oskar Viéitez |
-
A Xunta rifa ás navieiras pola súa relaxación nas medidas para evitar contaxios
Por Redacción |
-
A ausencia de limitación de aforo no transporte marítimo xera queixas entre viaxeiros a Ons
Por Marisa Ciordia |
-
A illa de Ons estrea o mes de xullo cun número de visitantes de récord
Por Manu Otero |