Semana de calor nas Rías Baixas con temperaturas que superarán os 30 graos
Por Redacción
As altas presións que se atopan ao norte de Galicia manteñen durante este martes unha xornada de estabilidade atmosférica nas Rías Baixas, con ceos despexados e temperaturas que chegarán aos 32 graos, con vento de dirección variable nas Rías Baixas, segundo as predicións do servizo de Meteogalicia.
Esta situación prolongarase ao longo da semana. O mércores, as altas presións situadas ao oeste de Irlanda manterán o tempo seco en Galicia. Os ceos permanecerán despexados en xeral e as temperaturas mínimas ascenderán lixeiramente. Desta forma espérase que os termómetros se sitúen entre os 18 e os 29 graos con vento que soprará frouxo do nordés e con régime de brisas nas Rías Baixas.
A influencia das altas presións manterase o xoves 10, día da volta ás aulas nos centros públicos. Os ceos manteranse despexados e as temperaturas situaranse entre os 17 e os 31 graos. O vento seguirá soprando frouxo do nordés.
O venres 11 espérase que as temperaturas ascendan ata os 32 graos, debido ás altas presións. O vento seguirá soprando de nordés e apreciarase un réxime de brisas nas Rías Baixas.
A partir do sábado espérase unha situación pouco definida entre as baixas e as altas presións. A entrada de aire frío nas capas altas provocará un aumento da inestabilidade atmosférica. As temperaturas irán diminuíndo a medida que entre a terceira semana de setembro.