Denuncian o depósito de decenas de colectores cargados de residuos industriais en Caldas
Por Redacción
Nunha chaira en Caldas de Reis apareceu, durante os últimos meses, un depósito incontrolado de residuos.
O BNG deste municipio xa presentou denuncia ante o Servizo de Protección da Natureza da Garda Civil (SEPRONA) e perante as autoridades municipais para que se investigue a presenza destas decenas de contedores cargados de residuos industriais e de material voluminoso sen que se existe autorización nin permiso para que se poida desenvolver esta práctica.
A veciñanza comezou a detectar a presenza destes residuos meses atrás e, a pesar das denuncias, as autoridades non controlan a situación. Desta forma, a medida que foron pasando as semanas, o número destes contedores foi en aumento.
Para o BNG, este episodios mostra a política de "oídos xordos" que o goberno municipal que lidera Juan Manuel Rey mantén con estes casos. Manuel Fariña, portavoz nacionalista, esta situación mostra que non hai un compromiso real co medio e afirma que o seu grupo non está disposto a que Caldas convértese no destino dos residuos industriais do sur de Galicia.