Desactivan o protocolo COVID na Lama tras dar negativo o interno na segunda PCR
Por Redacción
Todo quedou nun mal soño. O centro penitenciario da Lama confirmou o resultado negativo da segunda proba PCR e dos test diagnósticos que se realizaron ao interno de avanzada idade que dera positivo por COVID-19.
O home, un interno do módulo de enfermería, estaba illado desde que deu positivo. Tamén se atopaban en corentena os seus dous compañeiros de cela que, segundo a dirección do cárcere, deron negativo ás probas que se lles realizaron.
Ante este feito, o cárcere da Lama decidiu desactivar o protocolo COVID-19 que se puxo en marcha hai apenas 24 horas, previa autorización da subdirección médica.
Nun comunicado remitido aos traballadores, no que agradece a actitude "proactiva" e a colaboración de todo o persoal -ao que se lle pediu que comunicasen se tiveran contacto co interno afectado-, a dirección confirma que deixa sen efecto o illamento.
O interno, que se atopa encamado e sen apenas mobilidade, será trasladado nos próximos días a unha residencia de maiores externa ao penal, tal e como estaba previsto.
De feito, foi este traslado o que orixinou que se lle realizara a primeira PCR que, tal e como quedou demostrado posteriormente, arroxou un falso positivo.
Relacionadas:
-
Primeiro caso de covid-19 na Lama: un interno contáxiase na rúa e, ao regresar a prisión, dá positivo
Por Natalia Puga |
-
Recoñecemento á "profesionalidad" e "compromiso" do persoal e os internos da Lama, que lograron esquivar os contaxios
Por Mónica Patxot & Natalia Puga |
-
O cárcere da Lama celebra a súa patroa sen actos institucionais e coa satisfacción de levar seis meses esquivando ao coronavirus
Por Natalia Puga |
-
Trinta e tres novos contaxios elevan a 343 os casos activos por COVID-19 en Pontevedra
Por Alejandro Espiño |
-
Oito pacientes hospitalizados -un na UCI- e 323 casos activos por COVID-19 en Pontevedra
Por Alejandro Espiño |
-
Alerta na Lama ante o primeiro positivo por COVID-19 no centro penitenciario
Por Alejandro Espiño |