Os socorristas de Sanxenxo suspenden as mobilizacións tras veren cumpridas a maioría das súas esixencias
Por Redacción
O colectivo de socorristas, acomodadores de praia e sanitarios, que prestan servizos para a empresa pública Turismo de Sanxenxo, anuncia a fin das mobilizacións comezadas hai case unha semana.
Toman a decisión tras veren cumpridas a maior parte das súas esixencias, pero tamén pola finalización do contrato de temporada da maior parte do persoal.
Segundo o sindicato Comisións Obreiras nas nóminas de agosto non se produciu ningún tipo de desconto económico, nin no que se refire aos sete días en que non puideron traballar pola situación meteorolóxica, nin tampouco en concepto de complemento de posto.
Queda pendente negociar a discrepancia sobre as horas extraordinarias, "pero para iso sería necesario poder falar co alcalde e cambiar o talante do señor Martín levaríanos toda a vida", apunta Comisións Obreiras.
Relacionadas:
-
Comisións Obreiras reclamará no xulgado melloras salariais no Concello de Sanxenxo
Por Oskar Viéitez |
-
Os socorristas realizaron case 3.000 intervencións durante o mes de agosto nos areais de Sanxenxo
Por Redacción |
-
O PSOE pide responsabilidades en Sanxenxo pola "mala xestión" da contratación de persoal"
Por Oskar Viéitez |
-
O goberno de Sanxenxo aclara que vai pagar os socorristas todo o salario aínda que non traballaran polo mal tempo
Por Redacción |
-
Socorristas de Sanxenxo convocan unha concentración ante os "atropelos" do goberno de Telmo Martín
Por Redacción |