Pechan Joaquín Costa cinco días para reparar os accesos ao Álvarez Limeses
Por Redacción
A partir deste xoves 3 de setembro e durante cinco días, ata o martes día 8, a rúa Joaquín Costa estará pechada ao tráfico. Será polas obras para reparar os accesos ao colexio Álvarez Limeses. En concreto estará limitado o treito entre Sagasta e Blanco Porto.
Durante o peche polas obras só estará autorizado o paso aos servizos e residentes.
Esta actuación está incluída dentro do plan de revisión dos espazos lindeiros dos centros de ensino que puxo en marcha o Concello de Pontevedra.
A intención é acometer as pequenas reparacións que sexan necesarias para que estas áreas estean en condicións óptimas de mantemento nos inicios do curso escolar.
As reparacións estanse centrando, maioritariamente, no pavimento deteriorado, afundido, roto ou que sexa susceptible de ocasionar algún tipo de risco por outros motivos.
Tamén se arranxa o mobiliario e outros elementos urbanos que presenten algún estrago.
Estes traballos de mantemento, que se estenderán durante as vindeiras semanas, forman parte do calendario establecido desde que entrou en funcionamento o contrato de mantemento de espazos públicos o pasado mes de abril.