Programa especial en substitución das 'Festas dos Dolores' de Ponte Caldelas
Por Redacción
O Concello de Ponte Caldelas comeza este xoves 27 de agosto unha programación especial, adaptada aos condicionantes da situación sanitaria, para compensar a celebración dos que serían intensos días festivos no municpio en honra á Virxe das Dores. A praza de España e a Alameda, como vén sendo durante os meses estivais, son o emprazamento escollido para as propostas que se están a ofrecer, mantendo distancias de seguridade.
O público infantil será o destinatario da primeira das propostas, coa actuación musical de Pablo Díaz quen presentará o seu traballo ' Coas miñas mans'. Será o xoves a partir das 19.00 horas. O venres, ás 21.00 horas subirán ao escenario da Alameda os Mariachis de Leonardo Flores.
O sábado, ás 13.30 horas sesión vermú amenizada pola Banda de Música Cultural de Mondariz e pola noite, sesión de monólogos de humor a cargo de David Amor. Tras esta actuación ofrecerase unha sesión de música acuática na fonte luminosa de Caldelas. O domingo tamén haberá sesión vermú, á mesma hora, coa Banda Unión Musical de Tenorio. Pola noite, tamén a partir das 21.00 continúa a programación coa actuación musical de Jugoness.
Xa entrados na próxima semana, a sesión vermú do luns estará amenizada pola Banda de Música Cultural de Arcade e pola noite serán grupos de música tradicional de Ponte Caldelas quen suba ao escenario cunha proposta titulada ‘ Sons de Ponte Caldelas’. E para concluír, o martes a Banda de Música Municipal de Redondela acompañará o aperitivo e ás 21.00 completará o programa especial a Banda da Brilat.
Relacionadas:
-
Propoñen mudar o festivo en Ponte Caldelas do Mércores de Cinza ao Luns de Pascua
Por Redacción |
-
En Ponte Caldelas, despois de 'Dores', unha semana de actividades para a poboación infantil
Por Redacción |
-
Ponte Caldelas recupera os 'sábados de música acuática' na fonte da Praza de España
Por Redacción |
-
As 'Noites de Terraza' de Ponte Caldelas traen esta semana cinema, flamenco e humor
Por Redacción |