SOS Panadeira farase notar na etapa de La Vuelta con final en Sanxenxo
Por Oskar Viéitez
A protesta do colectivo SOS Panadeira estará presente na etapa de La Vuelta ciclista a España con final en Sanxenxo, segundo anunciaron este xoves os seus voceiros.
Dende SOS Panadeira están interesados en dar a coñecer o problema que xera o proxecto de ampliación do porto deportivo, polo que aproveitarán a proxección mediática que ofrece este evento.
Este xoves, aproveitando a baixamar, algo máis dun centenar de integrantes e simpatizantes do colectivo formaron a cadea humana coa que uniron as praias de Panadeira e Os Barcos. Con este acto reivindicativo insisten na súa denuncia de que colocación de novos peiraos entre a estreita lámina de auga existente entre os xa instalados e as praias urbanas de Os Barcos e Panadeira supoñerá unha mingua importante do espazo para o baño, así como da calidade das augas e da seguridade dos bañistas.
O voceiro deste colectivo, Carlos Quintia Celaya, sinalou que eses novos peiraos, cos seus brazos principais, os seus fingers e os espazos reservados para as manobras dos barcos, "só ofrecen beneficios privados a unha empresa privada, a custa da deterioración irreversible de bens de carácter público e interese social, co conseguinte prexuízo para todos os veciños".
Relacionadas:
-
O Club Náutico de Sanxenxo di que é falsa a denuncia de SOS Panadeira sobre a falta de seguridade nas obras do pantalán
Por Redacción |
-
Sanxenxo pide a Portos de Galicia que revoque a licenza das obras do novo pantalán do Náutico
Por Redacción |
-
Portos de Galicia paraliza cautelarmente por "falta de seguridade" as obras do Náutico
Por Oskar Viéitez |