A caída dunha árbore e obras de mantemento limitan o uso da Finca de Briz
Por Redacción
A caída dunha árbore e obras de mantemento obrigan estes días para limitar o uso de todos os espazos da Finca de Briz, en Marín.
O pasado xoves caía unha acacia negra na zona dos instrumentos. Dito contratempo comezou a liquidarse esta semana iniciando ademais unha actuación de mantemento. Así, ademais de retirar a árbore danada tamén se decidiu retirar unha árbore contigua para evitar posibles incidentes.
A actuación non está exenta de dificultade debido á complexidade que supón acceder ata o lugar en cuestión con maquinaria pesada e tamén pola propia retirada e transporte da acacia. Por iso o Concello tomou a decisión de pechar o acceso ao Parque dos Sentidos mentres se realizan estes traballos.
Outra actuación que se realiza estes días é unha inspección técnica para determinar o estado das especies arbóreas do Parque e proceder se fose preciso á súa talla e retirada para evitar riscos de caídas.
A acacia negra aproveitarase para fabricar pezas de escultura en madeira, como as que xa existen neste espazo, ou reutilizala para habilitar bancos.
Relacionadas:
-
Marín repara os elementos de xogo dos parques infantís deteriorados
Por Redacción |
-
Retiran unha árbore de grandes dimensións da Finca de Briz por risco de caída
Por Redacción |
-
Remodelado o acceso e o escenario do Auditorio da Finca de Briz
Por Oskar Viéitez |
-
O Centro Terapéutico da Finca de Briz segue prestando o seu servizo ás familias nas súas casas
Por Redacción |
-
O Lago Castiñeiras, a Finca de Briz e as praias de Marín, aspirantes a distintivos de calidade Q
Por Redacción |