O Concello deixa de ingresar máis de 65.000 euros pola redución da taxa de veladores nun 31,5%
Por Oskar Viéitez
A concelleira Carme da Silva, que actuou este luns como portavoz municipal, anunciou que a Xunta de Goberno Local aprobou unha redución da taxa anual de veladores do 31,5%.
O calculo foi realizado polos servizos económicos municipais que tiveron en conta o período de parón total da actividade durante o estado de alarma e os posteriores períodos de apertura, primeiro co 50% da ocupación, seguido do 75% e do 80% que operará ata final de ano.
A concelleira asegurou que "é un cálculo moi complexo porque se fai zona por zona, porque non todas as zonas teñen a mesma taxa, teñen coeficientes correctores en función da zona e foi necesario analizar caso por caso". A media resultante destes cálculos responde co 31,5% de rebaixa que será aplicado nos recibos que se pasarán ao cobro entre o 17 de agosto e o 19 de outubro.
Por último, informou que esta redución supón unha rebaixa en termos absolutos de máis de 65.000 euros nos ingresos que o Concello ten en materia de taxas.
Relacionadas:
-
Ampliación do horario de peche de veladores durante o verán
Por Redacción |
-
O PP propón eliminar as taxas de veladores e lixo porque cobralas "é sentenciar a morte" aos pequenos negocios
Por Redacción |
-
Reordenan as terrazas da hostalería no ámbito de Virxe do Camiño e o Teatro Principal
Por Redacción |
-
O Concello asesora aos hostaleiros para redistribuír as terrazas e ampliar ao máximo o número de mesas
Por Redacción |
-
O Concello de Pontevedra está disposto a ampliar os espazos para veladores e terrazas
Por Oskar Viéitez |
-
Ninguén pagará ningún imposto, taxa ou prezo público, segundo Lores, durante o estado de alarma
Por Alejandro Espiño |