O núcleo de centralidade dos Campos empeza a tomar forma coa vista posta en final de ano
Por Redacción
O núcleo de centralidade parroquial dos Campos, na parroquia de Mourente, empeza a tomar forma con tres obras que se están a acometer ao mesmo tempo e que, segundo indicaron desde o Concello de Pontevedra, poderán estar rematadas cara finais de ano ou primeiros de 2021.
O alcalde de Pontevedra, Miguel Anxo Fernández Lores, e os concelleiros de obras e do rural, Demetrio Gómez e Alberto Oubiña, visitaron este xoves a contorna para comprobar o avance das obras e como vai cambiando xa esta zona.
Os tres proxectos que se están a realizar de forma simultánea na contorna están valorados en 2.287.000 euros. Trátase de habilitar unha vía que conectará a zona de Tafisa con Monte Porreiro, facilitando a conexión peonil e os tráficos rodados, a reforma integral do Local social dos Campos e as novas instalacións que se están a habilitar con cargo aos fondos europeos Leader Pontevedra-Morrazo.
Lores destacou que se trata dun investimento "potente" que os veciños de Mourente "merecen" e explicou que o seu resultado será crear unha zona de alta calidade urbana.
O Local Social está sendo rehabilitado pola empresa Praza por 471.248 euros. A obra ten un prazo de execución de 5 meses.
As instalacións dos fondos Leader execútaa a empresa Acevi por 373.964,64, e ten un prazo de execución de 5 meses.
O acceso de Monte Porreiro está a executalo a empresa Ramírez e ten un orzamento de 1.441.906,26 euros (439.393,50 euros corresponden a expropiacións e 1.002.512,76 a obra civil) e un prazo de execución da obra é de 9 meses.
Trátase dunha vía de 605 metros, de dous carrís de 2,5 metros de ancho cada un, e unha beirarrúa ao carón das vivendas cun mínimo de 1,5 metros. Incluirá calmado de tráfico para darlle carácter de vía urbana con preferencia da mobilidade peonil propios do modelo Pontevedra.
Relacionadas:
-
Inician unha recollida de firmas para lograr que se active a calefacción no local social dos Campos
Por Redacción |
-
VÍDEO.- Pontevedra estreará este verán o seu centro social número 31
Por Oskar Viéitez |
-
En marcha as obras de remodelación da antiga escola unitaria dos Campos
Por Redacción |
-
Comeza a obra do novo acceso a Monte Porreiro
Por Oskar Viéitez |
-
A nova sede do GDR completará o núcleo de centralidade dos Campos
Por Alejandro Espiño |