Sanxenxo adapta os seus colexios electorais para manter a distancia de seguridade
Por Redacción
O Concello de Sanxenxo ten activado o protocolo de seguridade sanitaria nos colexios electorais con motivo dos comicios autonómicos deste domingo. Non haberá cambios nos edificios electorais, pero todos eles estarán adaptados ás normas de distanciamento e aforo e terán os itinerarios que deben seguir os electores marcados no chan.
No CEIP Cruceiro estarán dispoñibles dúas aulas na entrada principal comunicadas entre elas para a entrada e saída de votantes, o pavillón con accesos de entrada e saída diferenciados, e dúas aulas no acceso polo portal pequeno.
O CEIP Telleiro contará con todas as mesas electorais situadas no pavillón con entrada e saída diferenciadas. O CEIP Portonovo dispoñerá de dous espazos, o comedor pola entrada habitual cunha porta de entrada e outra de saída diferenciadas e o pavillón.
No colexio Abrente todas as mesas estarán situadas no pavillón, entrada e saída diferenciadas; no CEIP Magaláns as mesas tamén estarán situadas no pavillón do mesmo xeito que no CEIP A Florida. No CEIP Nantes haberá unha mesa na entrada do colexio e na antiga escola de Bordóns limitarase o aforo para evitar que se acumulen persoas no interior polo seu reducido tamaño.
Relacionadas:
-
Dez operarios reforzarán as tarefas de limpeza e desinfección nos colexios electorais o 12 de xullo
Por Redacción |
-
Poio traslada os colexios electorais de Samieira, Portosanto e Combarro para cumprir as normas sanitarias
Por Redacción |
-
Cambio de localización de tres colexios electorais de Marín
Por Redacción |
-
A metade dos colexios electorais de Pontevedra non reúnen as condicións de seguridade
Por Alejandro Espiño |