VÍDEO.- Javi Gómez Noya, da cama a correr pola cidade
Por Alejandro Espiño
Levantándose da cama, poñendo a roupa para adestrar e saíndo a correr directamente á rúa. Esta é a forma na que Javier Gómez Noya demostra que as rúas de Pontevedra son como a súa casa. Así, o campión do mundo de tríatlon súmase á campaña municipal do Efecto PO2.
O vídeo, que se estreou este venres nas redes sociais do Concello, gravouse nun set preparado na Praza de España.
Nel, tras soar o espertador, Gómez Noya levántase da cama, ponse a camiseta coa que adoita adestrar pola cidade, viste as súas zapatillas e sae a correr directamente desde o seu cuarto cara o centro histórico.
Con esta gravación, a campaña pretende demostrar como en Pontevedra a rúa, as prazas, o espazo público é a extensión da vivenda de todos os veciños e veciñas da cidade.
De aí, incídese na necesidade do seu coidado, do seu mantemento e de que poida ser gozado por todas as persoas en igualdade de oportunidades, sexa cal sexa a súa condición.
Relacionadas:
-
VÍDEO.- O 'Efecto PO2' estrea nova peza audiovisual para mostrar Pontevedra como espazo "san e seguro"
Por Redacción |
-
A campaña Efecto PO2 chegará aos máis pequenos
Por María José Pita |
-
O Concello de Pontevedra amplía dous anos máis o seu patrocinio a Javier Gómez Noya
Por Redacción |
-
Javi Gómez Noya e Saleta Castro participan nunha travesía a nado solidaria en Oleiros
Por Redacción |
-
Javi Gómez Noya buscará o seu quinto título europeo en Estonia
Por Redacción |
-
Javi Gómez Noya na cama, unha imaxe que revoluciona Pontevedra
Por Redacción |
-
VÍDEO.- O Efecto PO2 amosa a cidade como una extensión do salón da casa
Por Redacción |
-
Retan aos pontevedreses a borrar a pegada do CO2 no espazo público da cidade
Por Redacción |