As Rías Baixas deben ter, segundo os socialistas, un papel "estratéxico" na promoción de Galicia
Por Redacción
De cara a 2021, Pontevedra debe ter un papel "estratéxico" na promoción internacional de Galicia. Así o defenden os socialistas, que aseguran que se acceden ao goberno da Xunta tras as eleccións galegas do próximo domingo, porán en marcha esta campaña turística.
A número 3 da candidatura do PSdeG-PSOE por Pontevedra, Paloma Castro, explicou que esta campaña deberá estar "modulada" en función das oportunidades abertas pola evolución da pandemia da COVID-19.
Segundo avanzou, os socialistas apostan por crear unha rede de camiños "coidados, definidos e sinalizados" que figurarán recompilados nunha APP da Xunta na que se especificarán servizos para o turista, así como puntos de interese.
Pola súa banda, Rafael Cotelo sinalou a necesidade de crear unha campaña específica de promoción do turismo interior en Galicia, que combine axudas directas con actividades de publicidade.
A creación dun aval de Turismo de Galicia para os bonos-reserva que permita converter as reservas efectuadas (e non realizadas) en bonos para gastar durante 2020 e 2021 é outra das propostas dos socialistas.
O tamén candidato Manuel Loureiro fixo fincapé na necesidade de que o sector se organice para poder facer fronte ao "poder de negociación abusivo" das plataformas e desenvolver unha aplicación que funcione como metabuscador ou motor de reservas de adhesión para todos os establecementos galegos que o desexen.
Relacionadas:
-
Ábalos pide aos galegos que "se ahorren" o voto ao PP "para no seguir cuatro años como hasta ahora"
Por Alejandro Espiño & Mónica Patxot |
-
Os socialistas queren converter o Lérez no eixo de rutas turísticas e actividades de lecer
Por Redacción |
-
O PSOE aposta por potenciar o campus de Pontevedra e estender o seu 'modelo verde' á cidade
Por Redacción |
-
Os socialistas deseñan un plan para completar a humanización de Monte Porreiro
Por Redacción |
-
O PSdeG propón un Plan de Fortalecemento Dixital Integral do Ensino
Por Oskar Viéitez |