Acusan o Sergas de "dilatar" o regreso do médico a Ponte Sampaio: "Non hai intención de resolvelo", di o Concello
Por Alejandro Espiño
A situación do consultorio médico de Ponte Sampaio, sen facultativo desde que estalou a pandemia do coronavirus, parece estar lonxe de resolverse. As posturas entre o Concello e o Sergas seguen distantes e a falta de entendemento entre ambas as partes é máis que evidente.
A conservación que mantivo o alcalde de Pontevedra, Miguel Anxo Fernández Lores, co xerente da área sanitaria, Jose Ramón Gómez, tampouco serviu para desbloquear esta situación que, segundo o goberno municipal, está enquistada.
"O único que nos queda claro é que o Sergas quede dilatar todo isto", sinalou este mércores o concelleiro delegado de Ponte Sampaio, Raimundo González.
A pesar de que o Concello ofrece a actual Casa da Cultura, situada á beira do consultorio, para que se forma "provisional" se poida habilitar nela a consulta do médico, o Sergas insiste en pedir a cesión da biblioteca para ampliar as súas instalacións sanitarias.
Pero, segundo traslada González, cando ofrecen acompañar aos técnicos do Sergas para revisar a biblioteca ou outros inmobles de Ponte Sampaio que poidan albergar o centro médico "o único que hai é desculpas para dilatar o proceso".
"Non hai ningunha intención por parte do Sergas de resolver este problema a curto prazo", engadiu González, que subliña que as autoridades sanitarias trasladaron ao Concello que "non poden garantir" a reposición do médico polas vacacións e a falta de substitutos.
Mentres tanto, os pacientes de Ponte Sampaio deben acudir "obrigatoriamente", apuntou o edil do BNG, ao centro de saúde Virxe Peregrina "cos problemas que iso supón", o que levou aos veciños para iniciar protestas que seguirán nos próximos días.
Relacionadas:
-
A incorporación dun novo facultativo garante a continuidade da atención primaria en Ponte Sampaio
Por Redacción |
-
Un biombo e unha porta permitirán adaptar o centro de saúde de Ponte Sampaio ao protocolo anti Covid-19 e recuperar a atención médica
Por Natalia Puga |
-
Velorio en Ponte Sampaio para escenificar "a morte da sanidade pública" na parroquia
Por Redacción |
-
O Sergas estudará a creación dun centro de Atención Primaria en Meis se o Concello ofrece terreos
Por Redacción |
-
A área sanitaria afirma ser a "primeira interesada" en retomar a atención en Ponte Sampaio
Por Redacción |
-
A xerencia do CHUP insiste en pedir a biblioteca de Ponte Sampaio ao Concello para normalizar a atención primaria na parroquia
Por Redacción |
-
Concentración veciñal para reclamar servizo médico en Ponte Sampaio
Por Redacción |
-
Pontevedra cederá ao Sergas a Casa de Cultura de Ponte Sampaio como solución "transitoria"
Por Alejandro Espiño |