O PSdeG propón un Plan de Fortalecemento Dixital Integral do Ensino
Por Oskar Viéitez
Na xornada dominical os socialistas participaron nun reparto de propaganda no contorno da Glorieta de Compostela no que estivo a candidata do PSdeG á Xunta por Pontevedra, Paloma Castro; o tenente de alcalde, Tino Fernández, o concelleiro Iván Puentes, o deputado Guillermo Meijón e outros militantes da Agrupación Socialista de Pontevedra.
No marco desta actividade electoral, Paloma Castro expuso os puntos esenciais do Plan de Fortalecemento e Dixitalización Integral do Ensino que o PSdeG pretende impulsar en Galicia, cun programa especial de garantía da autonomía dixital de profesorado e alumnado (equipo básico e solución da conectividade), "permitindo que ningún escolar quede sen ordenador e unha dispoñibilidade universal de recursos para colaborar na formación presencial, no traballo escolar a domicilio e no seguimento da formación a distancia".
Neste mesmo sentido, o PSdeG propón un programa obrigatorio e modular de formación continua do profesorado en metodoloxías flexibles e tecnoloxías educativas dixitais e a extensión excepcional, dada a necesidade urxente de transición cara a nova normalidade, do Proxecto E-Dixgal dende 3º de Primaria a 2º de Bacharelato (cunha dotación orzamentaria especial).
ILLA DE AROUSA
A candidatura do PSdeG-PSOE tamén defendeu na Illa de Arousa a vixencia do modelo tradicional de explotación do mar, representado polo sector mexilloeiro, no que o colectivo de autónomos e as familias son os protagonistas. "Este é o modelo que funcionou durante xeracións, o que nos trouxo ata aquí e o que converteu a Galicia nunha referencia mundial", afirmou David Regades, secretario xeral dos socialistas pontevedreses, xunto co alcalde, Carlos Iglesias e o secretario xeral local, Manel Vázquez.
O alcalde subliñou que o Partido Popular viuse obrigado en 2016, ás portas das últimas Eleccións Autonómicas, a meter nun caixón a Lei de Acuicultura pola que pretendía impulsar a industrialización do sector e a produción masiva de especies como o salmón en granxas acuáticas, apostando pola cantidade antes que pola calidade e polas grandes empresas en detrimento das explotacións familiares. "Hai catro anos recuaron porque tiñan medo de pagalo nas urnas, pero se o próximo día 12 volven gañar a Xunta sacarán esa lei do caixón e lamentarémolo", dixo Carlos Iglesias.
Relacionadas:
-
As Rías Baixas deben ter, segundo os socialistas, un papel "estratéxico" na promoción de Galicia
Por Redacción |
-
Os socialistas deseñan un plan para completar a humanización de Monte Porreiro
Por Redacción |
-
O PSdeG urxe o dragado do Lérez e propón depositar os lodos de xeito provisional preto do Club Naval
Por Oskar Viéitez & Cristina Saiz |
-
O PSOE denuncia "o abandono da dependencia e a desatención ás persoas maiores por parte da Xunta do PP"
Por Oskar Viéitez |
-
Un itinerario peonil e ciclista pola PO-546 para "romper fronteiras" entre Pontevedra e Marín
Por Redacción |
-
Pedro Duque asegura que "no es tiempo de gobiernos conservadores"
Por Oskar Viéitez & Mónica Patxot |