Campolongo estrea composteiros comunitarios
Por Oskar Viéitez & Mónica Patxot
Este xoves e o venres o barrio de Campolongo estrea os novos centros de compostaxe comunitaria de 10 módulos, caixón de estruturante e fonte cada un, nas rúas Espincelo, Xeneral Rubín-Paseo de Valle Inclán, Iglesias Vilarelle e Alcalde Hevia-Rúa do Forno.
Dado que se trata dun novo barrio ao que chega a compostaxe, a Concellaría de Residuos instalou tamén a carpa informativa para atender a todos os residentes que se interesen por ver os novos composteiros.
As persoas que se acheguen ata a carpa serán atendidas por tres mestres composteiros que solventarán as súas dúbidas, ofrecerán información e bolsas de compost procedente doutros centros da cidade.
Este xoves xa abriron os centros de compostaxe da rúa do Espincelo e o da rúa Xeneral Rubín-Paseo de Valle Inclán. O venres abrirán os da rúa Iglesias Vilarelle: de 17 a 18.30 horas, rúa Alcalde Hevia-Rúa do Forno: de 19.15 a 20.45 horas.
Na actualidade o Concello ten instalados distintos centros de compostaxe a servizo dos veciños nos barrios de Monte Porreiro, Eduardo Pondal-Gorgullón, A Parda e en Valdecorvos-Castañal. En total, 15 centros aos que hai que sumar os 8 novos que se poñen estos días en marcha coa incorporación do barrio de Campolongo.
Relacionadas:
-
Estudan ampliar os centros de compostaxe de Campolongo tras un "espectacular arranque" do servizo
Por Redacción |
-
Os contedores marróns do centro histórico só se colocarán de noite
Por Alejandro Espiño |
-
Pontevedra desprega os contedores marróns para a compostaxe domiciliaria
Por Alejandro Espiño & Mónica Patxot |
-
Xa se poden empregar os novos composteiros da Parda e de Valdecorvos
Por Oskar Viéitez & Mónica Patxot |
-
A compostaxe comunitaria chega esta semana a Campolongo
Por Redacción |