Pedro Duque asegura que "no es tiempo de gobiernos conservadores"
Por Oskar Viéitez & Mónica Patxot
O ministro de Ciencia e Innovación, Pedro Duque, foi o protagonista dun mitin que o PSdeG deu este mércores na Praza da Ferrería de Pontevedra no que subliñou a importancia do cambio en Galicia para "dar más oportunidades a nuestros hijos y nuestros nietos".
"No es tiempo de gobiernos conservadores", recetou Pedro Duque, quen chamou a "apostar por el futuro" da man dunha persoa "con tanto impulso, con tanta energía y con las ideas tan claras" como Gonzalo Caballero. "Espero que seas el próximo presidente de la Xunta", dixo.
O encargado de abrir o acto foi o tenente de alcalde de Pontevedra, Tino Fernández, quen ao igual que a número tres pola candidatura socialista por esta provincia, Paloma Castro, chamou a "encher as urnas de votos socialistas" o 12 de xullo despois de 11 anos nos que Feijóo "non fixo nada" por Pontevedra.
Pola súa banda, a presidenta da Deputación de Pontevedra, Carmela Silva, pediu o voto para o PSdeG por "un cambio que saque a Galicia da cola".
Finalmente, o candidato socialista á Presidencia da Xunta, Gonzalo Caballero, anunciou que un goberno socialista creará unha consellería de Ciencia e Innovación no goberno galego, para apostar pola vangarda dende Galicia en liña coas demandas dos investigadores, ao tempo que recalcou que "o voto ao PSdeG é a única forma de construír unha Galicia mellor".
"Quero ser presidente para construír unha Galicia mellor, porque non é o mesmo cando goberna a esquerda que cando goberna a dereita", recalcou dende Pontevedra.
"Estamos como motos, con impulso, con forza e con ganas, porque cada día se reactiva máis a maioría progresista que quere sacar ao PP da Xunta", destacou Gonzalo Caballero, convencido de que esta crise "esixe unha resposta progresista".
Por iso, apelou a esa "Galicia unida que quere sanidade e educación públicas, que quere igualdade, que pensa na xente" e chamou a votar ao PSdeG poñendo fin aos 11 anos do PP de Feijóo.
E, tras criticar que Pontevedra non tivo en Feijóo "un aliado", senón todo o contrario, Gonzalo Caballero garantiu apoio a esta cidade cando sexa presidente.
Relacionadas:
-
O PSdeG propón un Plan de Fortalecemento Dixital Integral do Ensino
Por Oskar Viéitez |
-
O PSdeG urxe o dragado do Lérez e propón depositar os lodos de xeito provisional preto do Club Naval
Por Oskar Viéitez & Cristina Saiz |
-
Un itinerario peonil e ciclista pola PO-546 para "romper fronteiras" entre Pontevedra e Marín
Por Redacción |
-
Os socialistas acusan a Núñez Feijóo de "esquecerse das mulleres"
Por Alejandro Espiño & Mónica Patxot |
-
O PSdeG considera “unha mala broma” que Feijóo viñera a Pontevedra “a reverdecer as súas promesas incumpridas de 2016”
Por Redacción |
-
Gonzalo Caballero pedalea por Pontevedra para presentar unha estratexia global do PSOE de fortalecemento do deporte
Por Redacción |