Marín descarta as verbenas, os grandes concertos e as atraccións para as Festas do Carme
Por Redacción
A pesar das restricións impostas pola pandemia do coronavirus, Marín resístese a suspender as súas festas patronais, as Festas do Carme. Iso si, as deste ano serán moi diferentes.
O Concello avanzou este xoves que as festas apostarán por actividades de pequeno formato e apelará á responsabilidade dos veciños para poder celebralas con seguridade.
Así, entre outras cuestións, o goberno municipal avanza que nesta "nova normalidade" non haberá actuacións musicais de gran formato ou verbenas nin atraccións de feira.
Será unha modalidade de festas menos multitudinaria, na que primará a ambientación e a animación musical e outras actividades culturais que permitan aforos máis limitados e, por tanto, un ocio seguro e controlado, "acorde cos tempos que estamos a vivir", di o Concello.
A alcaldesa, María Ramallo, entende que "non podemos festexar o Carme como sempre o fixemos" porque, a pesar de que a situación sanitaria parece estar controlada "non podemos esquecer todo o que se viviu nestes últimos meses".
Esta programación festiva, que será presentada nas próximas semanas, chegará a diversos puntos do casco urbano, segundo garante o goberno municipal.
Relacionadas:
-
RADIO.- Os demoledores efectos do coronavirus en sectores que viven das datas festivas
Por Marisa Ciordia |
-
Marín valora "moi positivamente" a semana das Festas do Carme e anuncia que haberá Festa Corsaria
Por Redacción |
-
Chaman ao "sentidiño" mariñeiro neste día de celebración do Carme en Marín
Por Redacción |
-
Xura de bandeira o 18 de xullo na Escola Naval de Marín sen autoridades e cun reducido número de invitados
Por Redacción |
-
Víctor Loira será o pregoeiro das Festas do Carme de Marín
Por Redacción |
-
Sanxenxo estrea unha "verbena piloto" con cita previa, público sentado e con máscara
Por Oskar Viéitez |
-
As Festas de San Xoán estenderanse por toda a parroquia
Por Oskar Viéitez |
-
A crise sanitaria provoca a cancelación das festas de Loira
Por Redacción |