A Xunta destina 165.700 euros para contratar 55 socorristas nas comarcas de Pontevedra, O Salnés e Caldas
Por Redacción
A Consellería de Economía, Emprego e Industria trasladou este martes a resolución da orde de axudas que permitirán que os municipios das comarcas do Salnés, Pontevedra e Caldas poidan contratar a 55 socorristas durante os meses de xullo e agosto deste ano.
En concreto, a comarca do Salnés recibirá 88.413 euros para sumar a 29 socorristas ás súas praias. Os municipios beneficiarios serán A Illa de Arousa, Sanxenxo, e Vilagarcía de Arousa con seis socorristas cada un, O Grove con sete e Meaño e Ribadumia con dous.
Por outra banda, as comarcas de Pontevedra e Caldas recibirán 77.355 euros como axuda para contratar a 26 profesionais que vixíen as praias durante estes dous meses. Beneficiaranse desta colaboración Moraña e Catoira, con dous socorristas cada un e Portas con un só, mentres que Bueu, Marín e Poio sumarán seis socorristas e Ponte Caldelas contará con tres.
Cada concello é o que agora deberá realizar a contratación, xa que este apartado non é competencia da Xunta de Galicia. Segundo a administración autonómica, estas axudas permiten que esta figura fundamental para dotar de seguridade nas praias das Rías Baixas.
A consellería lembra que a provincia de Pontevedra logrou 52 bandeiras azuis con Sanxenxo como o municipio con máis distintivos dentro do Estado, ao acadar que 17 praias conten coa bandeira azul.
Relacionadas:
-
Vilagarcía pide á Xunta que pague 12 socorristas este verán, catro máis dos autorizados os últimos anos
Por Redacción |
-
As praias de Cabeceira e Xiorto contarán con seis socorristas a partir do vindeiro 1 de xullo
Por Redacción |
-
RADIO.- "Gocemos moito das praias, pero con sentidiño, non esquezamos o que pasou"
Por Marisa Ciordia |
-
O Concello de Sanxenxo denuncia as pintadas en cinco módulos de praias
Por Redacción |
-
Mogor acollerá as probas de selección de socorristas e patróns de embarcacións para a tempada estival
Por Redacción |
-
Poio contratará seis socorristas para as praias de Cabeceira e Xiorto
Por Redacción |
-
Os socorristas advirten do risco de que algún Concello quede sen vixiantes nas súas praias este verán
Por Manu Otero |
-
Os concellos da ría esperan a axuda da Xunta e a evolución do estado de alarma para preparar a tempada de praias
Por Manu Otero |