O Porto de Marín retirou máis de 18 mil quilos de lixo mariño das costas no que vai de ano
Por Redacción
A Autoridade Portuaria de Marín e Ría de Pontevedra xunto coa frota pesqueira do Porto, realizaron este venres unha nova retirada de lixo procedente dos fondos mariños.
Segundo o Porto de Marín, en total recolleron 5.340 quilos de lixo mariño dos caladoiros de arrastre da costa atlántica galega e a profundidades superiores a 100 metros, que sumados ás dúas retiradas anteriores deste ano, ascenden a 18.620 quilos en só 6 meses.
A Autoridade Portuaria foi recibindo estes residuos que os barcos recollen nas súas redes e traen a terra e levándoos a un compactador para, posteriormente, trasladalos a un xestor autorizado despois de separar todo o material que pode ser valorizable para os proxectos nos que agora está inmerso o Porto, como Repesca Plas 3 e ML Style, en colaboración co CETMAR entre outros organismos e empresas.
Esta actividade de recollida de lixo do mar por parte da flota marinense, continúa os proxectos ambientais "Nada por la borda" e "Pescal", xa finalizados oficialmente pero que a Autoridade Portuaria decidiu seguir mantendo en colaboración con OPROMAR e a empresa marinense Casercan.
O Porto de Marín é pioneiro en proxectos ambientais relacionados coa retirada e xestión de lixos mariños. Ademais, coa colaboración das empresas da comunidade portuaria, segue cos procesos de recollida selectiva doutros residuos portuarios como plásticos de embalaxes, pilas, poliexpán, redes, envases lixeiros, papel e cartón.
Relacionadas:
-
Os armadores reúnense coa subdelegada do Goberno para coñecer as axudas ao sector
Por Redacción |
-
Autoridade Portuaria e Salvamento Marítimo fan un simulacro de contaminación mariña por hidrocarburos
Por Redacción |
-
Pneumáticos, pezas de coches, restos de mobles... e todo nos fondos do porto de Marín
Por Redacción |
-
O Porto de Marín anuncia unha limpeza submarina das súas dársenas
Por Redacción |
-
A metade das bandeiras azuis en Galicia ondearán en praias de Pontevedra
Por Alejandro Espiño | Creada e actualizada
-
Denuncian o uso de mariñeiros sen formación para descargar peixe sen control sanitario no porto de Marín
Por Redacción |