Moraña inicia os preparativos da Festa do Carneiro ao Espeto adaptada á nova normalidade
Por Redacción
Haberá Carneiro este verán en Moraña. O Concello e os hostaleiros iniciarán as actividades gastronómicas da 51 edición da Festa do Carneiro ao Espeto o 11 de xullo coa novena entrega da iniciativa Espétalle un Pincho, que nesta ocasión estreará un formato novo coa degustación de petiscos na Carballeira de Santa Lucía.
Esta e outras cuestións relacionadas coa cita gastronómica que este ano vai experimentar grandes cambios pola situación sanitaria, a comida popular xa foi cancelada, foron abordadas este xoves na reunión mantida entre o goberno local e representantes da hostalería local.
No encontro acordaron o cambio de formato do Espétalle un Pincho, que pasará a ser en horario de tarde noite, ao aire libre e con casetas por cada establecemento participante.
A alcaldesa, Luísa Piñeiro, quixo deixar claro que este verán o criterio sanitario primará sobre o lúdico, pero aínda así o Concello permitirá o asado de carneiros e a venda dos lotes, así como algunhas actividades culturais e sociais. Con todo, non haberá verbenas para reducir o risco de contagios.
Así mesmo, indicou ao sector que o Concello concederá permisos especiais para a instalación de barras no exterior dos negocios co obxectivo de evitar aglomeracións dentro dos locais.
Relacionadas:
-
‘Espétalle un Pincho’ abre esta fin de semana as celebracións do ‘Carneiro ao Espeto’ de Moraña
Por Redacción |
-
Moraña manterá o asado da Festa do Carneiro ao Espeto pero a comida, en cada casa
Por Redacción |
-
Moraña reformula a Festa do Carneiro ao Espeto e elimina a comida multitudinaria
Por Redacción |
-
Moraña aposta por "agardar un pouco" antes de suspender os eventos deportivos previstos para o verán
Por Redacción |
-
O Carneiro ao Espeto inicia o camiño para ser festa de interese turístico nacional
Por Redacción |