Galicia prohíbe a apertura de discotecas e locais de lecer nocturno ata xullo
Por Redacción
Discotecas e locais de lecer nocturno non poderá abrir ata xullo. Así o decidiu a Xunta de Galicia ao entender que a apertura destes establecementos "non procede por agora".
O goberno galego, que nesta fase 3 da desescalada tiña a potestade de autorizar a reapertura destes locais, sigue así a recomendación da Consellería de Sanidade e mediante decreto aprazou o permiso para que este sector retome a súa actividade.
En opinión da Xunta, é "preferible" agardar a que se poida avaliar o resultado do levantamento doutras restricións, como o libre tránsito entre as catro provincias galegas que entrou este luns en vigor coa entrada da comunidade autónoma nesta nova fase do desconfinamento.
O goberno galego, con todo, comprometeuse a traballar "conxuntamente" co sector para que a súa reapertura en xullo poida facerse "nas condicións máis viables que sexan posibles".
Xa o propio Alberto Núñez Feijóo expresara as súas dúbidas o pasado domingo sobre a posibilidade de que os locais de lecer nocturno puideran abrir xa, avanzando que sería un tema ao que habería que "darlle unha volta".
"Non é un tema menor abrir espectáculos nocturnos cando están pechados os colexios. Parécenos unha decisión que debe ser, cando menos, meditada", advertía Núñez Feijóo.
Relacionadas:
-
As normas sanitarias e a falta de control nas prazas lastran a reapertura do lecer nocturno
Por Manu Otero |
-
As máscaras serán obrigatorias en discotecas e locais de lecer nocturno
Por Alejandro Espiño |
-
Pontevedra quere que a Xunta aclare como se poden retomar as verbenas e festas populares
Por Oskar Viéitez |
-
Máis xestións telemáticas e hixiene extra no voto por correo das primeiras eleccións post Covid-19
Por Redacción |
-
Así serán, a partir de setembro, as clases na 'nova normalidade'
Por Alejandro Espiño |
-
Regreso á barra do bar: "É como volver á vida"
Por Natalia Puga & Mónica Patxot |
-
Haberá "libre tránsito" entre todas as provincias galegas desde esta madrugada
Por Alejandro Espiño |
-
Por que os botellóns si e os locais de lecer nocturno non? Os empresarios rebélanse
Por María José Pita |