Peque González será a candidata de Marea Galeguista por Pontevedra
Por Redacción
Unha nova candidatura vaise a presentar ás próximas eleccións galegas. Trátase de Marea Galeguista, unha coalición integrada por En Marea, Compromiso por Galicia, o Partido Galeguista e mareas municipalistas de todo o país.
O seu candidato á presidencia da Xunta será Pancho Casal, deputado por En Marea no Parlamento galego durante a última lexislatura.
Pola provincia de Pontevedra, segundo avanzou a formación este luns, a candidatura estará encabezada pola pontevedresa Peque González, coordinadora de Marea Pontevedra.
Tras a súa elección, González destacou que a súa coalición quere "mirar cara adiante" e ser parte da construción dunha nova normalidade "que desexamos xusta en termos feministas, sociais e ambientais".
Así, avanzou que é "imprescindible" que os principais investimentos do goberno galego sexan para fornecer os servizos públicos, tanto na sanidade na educación ou nos servizos sociais.
Peque González é mestra en Pontevedra. Dunha familia de tradición republicana e galeguista, é licenciada en Psicoloxía pola USC e traballou toda a vida na educación pública.
Segundo destaca a Marea Galeguista, ela participou na posta en funcionamento dos primeiros comedores escolares na escola pública de Galicia e colaborou en distintos proxectos de innovación educativa.
Relacionadas:
-
Marea Galeguista acusa a Xunta e BNG de desentenderse do "problema da depuradora de Praceres"
Por Redacción |
-
Para Marea Galeguista os nenos "foron os grandes olvidados" durante a crise sanitaria
Por Redacción |
-
Marea preséntase como a única formación disposta a loitar polos dereitos e benestar dos galegos para pedir o voto
Por Manu Otero |
-
Marea Galeguista comeza o camiño cara o 12JX poñendo o foco nas emerxencias feminista, social e ambiental
Por Natalia Puga & Mónica Patxot |
-
Ciudadanos retoca a súa lista por Pontevedra pero mantén a Beatriz Pino como candidata
Por Redacción |
-
Sen cambios na lista do PP por Pontevedra, que mantén a Rueda e Lupe Murillo nos primeiros postos
Por Redacción |
-
Así votaremos o próximo 12 de xullo
Por Redacción |
-
O BNG ratifica as súas listas para o 12X con Bará como candidato por Pontevedra
Por Redacción |