Só un 2% dos pontevedreses ten anticorpos diante do virus
Por Oskar Viéitez
A poboación da provincia de Pontevedra que superou a infección por coronavirus e xerou anticorpos mantense na contorna do 2%, na segunda onda do estudo de seroprevalencia realizado polo Ministerio de Sanidade en todo o país.
Son cinco décimas menos que na primeira onda en cando a porcentaxe da poboación que superou a enfermidade e presenta anticorpos IgG contra a Covid-19.
Este dato da xente testada en Pontevedra supón menos da metade do que se rexistra no conxunto do Estado, que é do 5,2%, dúas décimas máis que na primeira onda, segundo os datos feitos públicos este xoves.
Galicia co 2,2% mantense como a cuarta comunidade con menor porcentaxe de poboación con anticorpos, fronte ao 11,4% de Madrid que é a rexión que marca a taxa máis alta de poboación con anticorpos nesta segunda onda.
Ademais Pontevedra ten o 0,1% de posibles casos sintomáticos recentes, é dicir, nas dúas últimas semanas.
Un total de 3.998 galegos participaron nesta segunda rolda, aos que hai que engadir 4.070 da primeira.
Estes datos compleméntanse co estudo que tamén realiza a Xunta, e que se encamiña cara á súa segunda fase.
Relacionadas:
-
Pontevedra pasa a fase tres e estará permitido desprazarse ao resto de provincias galegas
Por Natalia Puga | Creada e actualizada
-
176 traballadores da área sanitaria deron positivo en coronavirus desde o inicio da pandemia
Por Redacción |
-
Só o 1,35% da poboación da área sanitaria éstá inmunizada fronte o coronavirus, segundo o estudo do Sergas
Por Redacción |
-
Apenas un 2% dos pontevedreses xerou anticorpos contra o coronavirus
Por Alejandro Espiño |