A feira de Ponte Caldelas volve este venres só para produtos agroalimentarios e extremando a seguridade
Por Redacción
Este venres 5 de xuño toca feira en Ponte Caldelas e, a pesar de que vaise avanzando nas fases de desescalada, a situación sanitaria obriga ao Concello a autorizar a venda só de produtos agroalimentarios, como xa se fixera na anterior celebración do mercado, o pasado 20 de maio.
De novo, nesta feira haberá control de aforo e todas as persoas deberán acceder con máscara protectora e previa desinfección das mans nas fontes instaladas nas dúas entradas habilitadas. Como xa se fixo no anterior mercadiño, haberá controis de temperatura aleatorios.
En canto aos postos, a Covid-19 obriga a tomar certas medidas para garantir o distanciamento entre os diferentes vendedores, así como a distancia social cos compradores.
A novidade chegará o vindeiro día 20 de xuño, cando os postos de téxtil e calzado poderán volver á Feira de Ponte Caldelas. Farano nunha nova ubicación: a Avenida de Galicia.
Deste xeito, dende o Concello de Ponte Caldelas buscan garantir o distanciamento mínimo esixido entre postos e tamén a distancia social, algo que non era posible facer na Alameda, onde se situaban antes da pandemia.
Atendendo a estas previsións, os postos de alimentación e agro se manterán na Praza de España e téxtil e calzado ubicaranse na Avenida de Galicia.
Actualmente, a Feira de Ponte Caldelas conta cun total de 102 licencias e celébrase os días 5 e 20 de cada mes.
Relacionadas:
-
Ponte Caldelas devolverá as taxas de 2020 aos vendedores ambulantes da feira
Por Redacción |
-
Os vendedores plantan a feira de Ponte Caldelas polo cambio de ubicación, adoptado por cuestións de seguridade
Por Redacción |
-
Téxtil e calzado volven á feira de Ponte Caldelas extremando as medidas de distanciamento
Por Redacción |
-
Volve a ximnasia de mantemento a Ponte Caldelas nun novo espazo para manter as distancias
Por Redacción |
-
Ponte Caldelas extrema as precaucións no regreso da feira
Por Redacción |
-
Campo Lameiro recupera a súa feira, a primeira do estado de alarma
Por Redacción |
-
Volve a feira a Ponte Caldelas, pero só para a venda de produtos alimenticios
Por Redacción |