O Grove traslada o seu mercado semanal á zona de Beiramar para garantir a seguridade
Por Redacción
O Concello do Grove ten tomada a decisión de reactivar o tradicional mercado ambulante semanal. Pero farao nunha nova localización.
Despois de reunirse cunha representación dos vendedores, o goberno local decidiu trasladalo á zona de Beiramar ao ser imposible garantir as adecuadas medidas de seguridade para a prevención da transmisión do coronavirus no espazo habitual, a praza do Corgo.
Para a súa posta en funcionamento, cada vendedor debe respectar unha distancia de dous metros cos postos contiguos. Ademais, todos colocaranse en liña recta para evitar a creación de corredores estreitos que poidan provocar aglomeracións de persoas.
O Concello do Grove agradece a predisposición dos vendedores e anima á cidadanía para asistir a este mercado de forma gradual, mantendo as medidas de seguridade no referido á distancia entre persoas e usando máscaras.
Ademais, recomendan evitar na medida do posible manipulación dos artigos e o uso de luvas.
Relacionadas:
-
O mercado ambulante do Grove continuará en Beiramar todo o mes de agosto
Por Redacción |
-
O Grove destinará case 30.000 euros a obras de mellora no mercado municipal
Por Redacción |
-
O Grove 'lava a cara' do seu casco urbano tras o confinamento
Por Redacción |
-
Preocupación no Grove pola contaminación e suciedade que provoca a xente que tira ao chan as máscaras protectoras e luvas
Por Redacción |
-
A Policía do Grove certificará o cumprimento das normas nos locais de hostalería
Por Oskar Viéitez |
-
O Grove rexeita o sistema de cita previa para ir á praia e reforzará os servizos nos seus areais
Por Redacción |