Carmen Pomar, conselleira de Educación, comproba as medidas de seguridade adoptadas no IES Sánchez Cantón
Por Redacción
A conselleira de Educación, Universidade e Formación Profesional, Carmen Pomar, visitaba este xoves o Instituto de Secundaria Sánchez Cantón. Alí mantivo un encontro co profesorado e cos estudantes de segundo de Bacharelato que seguen, de forma voluntaria, as clases de maneira presencial desde o pasado 25 de maio.
Segundo os datos facilitados pola Xunta de Galicia, ao redor do 45% do alumnnado deste curso acode a clase diariamente. A conselleira animou tanto a estes estudantes como aos que seguen as clases desde as súas casas a que continúen estudando e esforzándose neste tramo final de curso de cara ás probas de acceso á universidade.
Carmen Pomar agradeceu o traballo que durante estes últimos meses realizaron, tanto os docentes como os estudantes, equipos directivos e as familias para que continuase a formación e a actividade lectiva desde o fogar, sobre todo, nos días do inicio do confinamento.
Ademais, a máxima responsable da Educación en Galicia realizou unha visita ás instalacións do Sánchez Cantón para comprobar as medidas que se adoptaron nos diferentes espazos atendendo ao protocolo sanitario.
Relacionadas:
-
Mulleres fortes, valentes e cheas de paixón nos ''Monólogos en Cuarentena' do IES Sánchez Cantón
Por Redacción |
-
A selectividade será "diferente" con máis centros de exames e menos movemento de alumnos
Por Alejandro Espiño |
-
Volta ás aulas e só chegar... exame!
Por Mónica Patxot & Anxo Lourido |
-
Así será o regreso ás aulas deste luns
Por Oskar Viéitez |