A empresa Narom fará as obras da senda entre Coirados e Pardavila
Por Redacción
A Consellería de Infraestruturas e Mobilidade vén de adxudicar á empresa Narom a execución dunha senda peonil e ciclista na estrada PO-313, entre Coirados e Pardavila, no concello de Marín.
Os traballos na estrada PO-313 foron adxudicados por un importe superior aos 570.000 euros e o obxectivo é inicialos a mediados de agosto.
Ademáis ven de convocar os propietarios dos terreos afectados para o pago dos depósitos previos e a formalización das actas de ocupación.
Os actos expropiatorios realizaranse na Casa do Concello seguindo o estrito protocolo de medidas preventivas por mor da covid-19.
Trátase dunha senda duns 2 quilómetros pola marxe esquerda desta estrada autonómica, desde a saída de Marín e conectando coas beirarrúas existentes ata Pardavila, unha vez pasado o enlace da Variante de Marín. Tamén se executará unha pequena plataforma para salvar o rego ao comezo desta vía e outras obras complementarias, como a nova rede de drenaxe, a mellora da intersección cun carril central e un cambio de sentido.
Relacionadas:
-
A Xunta abre o proceso expropiatorio para construír unha senda peonil entre Pardavila e Cadro
Por Redacción |
-
VÍDEO.- Riada en Pardavila ocasionada polas fortes chuvias da tormenta
Por Redacción |
-
Arrancan as obras de creación da senda peonil e ciclista entre Coirados e Pardavila
Por Redacción |
-
19 empresas, interesadas en acometer as obras da senda peonil despois da Variante de Marín
Por Redacción |
-
A Xunta saca a licitación o proxecto da nova senda de Pardavila na PO-313
Por Redacción |
-
Os propietarios de terreos afectados pola senda entre Coirados e Pardavila, convocados para o 27 de febreiro
Por Redacción |