O PP local recolle 400 quilos de comida que doa a persoas sen recursos
Por Redacción
Rafa Domínguez, presidente local do Partido Popular, acompañado polos concelleiros Silvia Junco e Guille Juncal, trasladaba máis de 400 quilos de comida ao Banco de Alimentos de Pontevedra para que se repartan entre persoas sen recursos.
Durante os últimos días, os concelleiros populares levaron a cabo esta campaña solidaria recollendo a comida que a cidadanía quixo doar para esta causa. "Contamos cunha alta participación polo que estamos absolutamente agradecidos", sinalou Rafa Domínguez, indicando que se cumpriron todos os protocolos sanitarios establecidos polas autoridades para recoller estes alimentos. Os concelleiros populares participaron directamente nesta recolección de produtos.
Os populares recoñecen que moitas persoas se viron impactadas de maneira directa pola crise económica e sinalan que van traballar para tentar reverter esa situación. Rafa Domínguez afirma que "Pontevedra é unha cidade moi solidaria" e destacou o compromiso cidadán coas persoas máis vulnerables.
Relacionadas:
-
Rafa Domínguez cualifica de "decepcionante" a xestión do goberno bipartito durante o primeiro ano de mandato
Por Mónica Patxot & Anxo Lourido |
-
Rafa Domínguez contacta co tecido asociativo para agradecer o seu traballo durante a crise
Por Redacción |
-
O PP local inicia unha campaña de recollida de comida para colaborar co Banco de Alimentos
Por Redacción |