A celebración ou non de cacharelas por San Xoán é decisión dos Concellos
Por Marisa Ciordia
Por estas datas habitualmente os Concellos adoitan comezar a facer públicos os bandos, requisitos ou solicitudes para a celebración das tradicionais cacharelas de San Xoán nos seus respectivos municipios. Con todo este ano, as circunstancias ás que obriga a pandemia provocada pola COVID19 limitan, cando non impiden, eventos masivos.
Neste contexto, esta semana o Concello de Poio anunciaba a suspensión dunha das súas convocatorias máis populares durante as Festas en honra a San Xoán, a cacharela que se acende na chaira da Seca. Á vez que se facía pública esta decisión, a administración local sinalaba que estaba á espera dunha decisión por parte das autoridades competentes sobre permisos para realizar fogueiras particulares. O concelleiro delegado de Turismo, Xosé Lois Martínez instaba a que aclarasen esta cuestión "e sobre todo en que condicións poderíanse realizar en caso de aprobalas".
Desde a Delegación Territorial da Xunta en Pontevedra sinalan que a administración autonómica non é entidade competente no permiso de fogueiras; xa que estes corresponden aos Concellos. Engádese que o cumprimento das normas vixentes debe ser coordinado entre as Policías Locais e a Subdelegación do Goberno.
A celebración desa arraigada tradición en Galicia, viña presentando diferentes circunstancias dependendo dos concellos. No caso de Pontevedra, a administración local non organiza como tal cacharelas, e para aqueles particulares e colectivos que queiran facelas solicita unha inscrición previa aceptando unhas condicións concretas para o seu desenvolvemento.
En Marín, o Concello non permite acender cacharelas nas praias do seu municipio; en Sanxenxo limítase a algunhas praias concretas, o ano pasado en cinco delas; mentres que por exemplo en Bueu, prohibía cacharelas en areais con bandeiras azuis e nas restantes respectando as condicións establecidas nun bando da alcaldía.
Relacionadas:
-
Poio limitará as fogueiras de San Xoán a espazos privados
Por Redacción |
-
Marín pechará as praias durante a noite de San Xoán para evitar aglomeracións
Por Redacción |
-
Marín acenderá as cacharelas de San Xoán e San Pedro, previa autorización
Por Redacción |
-
Poio abrirá o mércores o prazo de solicitudes para a realización de cacharelas privadas
Por Redacción |
-
Os artistas locais serán os protagonistas das festas de San Xoán de Poio
Por Redacción |
-
Sanxenxo mantén as súas festas pero prescindindo de orquestras, grandes concertos e atraccións
Por Redacción |
-
O PP de Poio solicita crear unha partida extraordinaria cos cartos do San Xoán
Por Redacción |
-
Finalmente en Poio, polo San Xoán, nin cacharela nin sardiñada que pingue no pan
Por Redacción |
-
Bares, cafeterías e restaurantes poderán aumentar o aforo ao 50% a partir do 1 de xuño
Por Redacción |
-
Sánchez sitúa a "nova normalidade" a finais de xuño tras unha desescalada en catro fases
Por Alejandro Espiño |