Os traballos para a reposición do firme chegan a María Victoria Moreno e Fernando II
Por Redacción
A partir de mañá xoves, haberá cortes de tráfico e desvíos provisionais no ámbito de María Victoria Moreno e Fernando II. O motivo, as obras de reposición do firme que ordenou facer o Concello de Pontevedra.
Estes traballos, que se enmarcan no contrato de mantemento de espazos públicos urbanos, teñen por obxectivo rehabilitar a capa de rodadura en tramos nos que se aprecia deterioro.
Así, a actuación na glorieta de María Victoria Moreno terá lugar na xornada de mañá, xoves 28 de maio, e en Fernando II -no tramo entre Pintor R. Alonso e Fernando III O Santo- realizarase mañá e pasado, o que implicará cortes e desvíos de tráfico.
Na xornada do xoves, o tráfico na avenida María Victoria Moreno permitirase só no sentido que vai desde a avenida de Marín cara a avenida de Vigo.
O tráfico en sentido contrario -en dirección avenida de Marín- será desviado cara a rúa Alcalde Hevia continuando pola rúa Iglesias Vilarelle e Xeneral Rubín, agás os autobuses que poderán continuar circulando pola avenida María Victoria Moreno.
Os garaxes do tramo da avenida Maria Victoria Moreno entre as rúas Alcalde Hevia e Taboada Nieto sairán cara a avenida de Vigo e accederán procedentes da avenida de Marín.
En canto á actuación na rúa Fernando II, prevista para xoves e venres, o tráfico no treito entre Pintor R. Alonso e Fernando III O Santo permanecerá pechado agás para entrada e saída de garaxes.
Relacionadas:
-
A Praza de Galicia renovará o seu firme na zona da parada de autobús
Por Redacción |
-
O edificio municipal da rúa Ferreiros, coas áreas de Urbanismo e Tesorería, abrirá ao público o 8 de xuño
Por Redacción |
-
Repoñen o firme na rotonda de San Roque e na contorna da praza de touros
Por Redacción |
-
Rolda de asfaltados en rúas do centro urbano
Por Redacción |
-
Reparan farois e semáforos danados ou avariados para preparar a cidade para a desescalada
Por Redacción |