O sector turístico arrincará a finais de xuño
Por Oskar Viéitez
O presidente do Goberno de España, Pedro Sánchez, instou ao sector hostaleiro a que "se preparen para reanudar su actividad en pocos días" e acoller o turismo nacional, e anunciou que a partir de xullo abriranse as fronteiras ao turismo estranxeiro "en condiciones de seguridad".
"Habrá temporada turística este verano", asegurou o presidente que tamén afirmou que os turistas estranxeiros "pueden desde ya planificar sus vacaciones en España".
"España necesita del turismo y el turismo necesita seguridad en origen y seguridad en destino, por eso garantizaremos que los turistas no correrán ningún riesgo ni tampoco nos traerán riesgos a nuestro país", dixo respecto diso.
Sánchez tamén animou aos españois para planificar xa as súas vacacións e "aprovechar las maravillas de la oferta nacional", porque "muchos podrán hacerlo desde prácticamente ya, a finales de junio y en adelante".
"Estamos a un paso de la victoria, pero seguimos en emergencia sanitaria, el virus no ha desaparecido, sigue al acecho y tenemos que mantenerlo a raya, es imprescindible no relajarnos", manifestou o presidente.
O Consorcio de Empresarios Turísticos de Sanxenxo ( CETS) confirmou que a maioría dos establecementos prevén reiniciar a actividade a finais de xuño.
O Goberno galego e o sector turístico traballarán no Pacto por un destino seguro, que inclúe unha batería de accións para mellorar a información, asesoramento e formación en materia de seguridade sanitaria, así como apoio económico para adecuarse á situación actual.
Prevese a posta en marcha dun plan de formación voluntario centrado neste ámbito e impartido polo Centro Superior de Hostalería de Galicia e as entidades sectoriais e provinciais. A iniciativa botará a andar a próxima semana e contará cunha oferta inicial de 50.000 prazas en 500 accións formativas de carácter xeral adaptadas ás especificidades de cada subsector e de cada área xeográfica.
Ademais elaboráronse 11 manuais para os distintos axentes do sector coas principais recomendacións e medidas de seguridade hixiénico-sanitaria adaptados aos restaurantes, hoteis, aloxamentos rurais, albergues, cámpings, balnearios, axencias de viaxes, turismo activo, campos de golf, guías de turismo e oficinas de turismo.
Relacionadas:
-
O albergue de Pontevedra, preparado para recibir peregrinos "cando nos avisen"
Por Alejandro Espiño |
-
Autocaravanas e casas rurais, o turismo da nova normalidade
Por Manu Otero |
-
Un curso en Raxó analizará a volta á actividade do sector turístico
Por Redacción |
-
Os axentes de viaxes mobilízanse para reclamar solucións para o sector turístico
Por Manu Otero |
-
O turismo volverá en xullo pero as axencias de viaxe de Pontevedra seguen pechadas
Por Manu Otero |
-
Feijoo pide ao Goberno que defina un plan de rebrote a nivel nacional
Por Oskar Viéitez |
-
A hostalería e restauración marca as súas propias fases na 'desescalada'
Por Mónica Patxot & Marisa Ciordia |
-
Sanxenxo pide 5.000 millóns ao Goberno para rescatar aos concellos afectados pola Covid-19
Por Redacción |
-
Desatado o boom para dispoñer de piscina particular este verán
Por Marisa Ciordia & Mónica Patxot |
-
Así será a fase 2 da desescalada: apertura de cinemas e teatros, gozar das praias e ata celebración de vodas
Por Diego Espiño |