O Concello impulsa o programa 'Poio Confía' para apoiar o tecido empresarial do municipio
Por Redacción
Conscientes da necesidade que ten o tecido empresarial, hostaleiro e comercial do municipio de adaptar os seus negocios á nova situación derivada da crise do Covid-19, o Concello de Poio ten previsto levar a cabo nas próximas semanas a iniciativa 'Poio Confía'.
Segundo o Concello, trátase dunha proposta que servirá para abordar cuestións chave como a creación de espazos saudables, que cumpran coas normativas sanitarias vixentes, e a adaptación das estratexias empresariais a este novo contexto.
O obxectivo destas iniciativas, levadas a cabo de maneira coordinada polas concellerías de Turismo e Promoción Económica, é "desenvolver o potencial que ten o concello", conseguindo que Poio continue sendo un lugar "próspero e saudable".
Desta maneira, os responsables de ambos os departamentos, Silvia Díaz e Gregorio Agís, explican que, en caso da creación de espazos confiables, os negocios locais terán a posibilidade de contar cun programa que incluirá asesoramento especializado para cumprir cos requisitos sanitarios establecidos, xa que se ofrecen visitas aos establecementos que o demanden.
Pola súa banda, tamén se impartirán charlas online a cargo de profesionais para dar a coñecer pautas que sirvan de axuda aos negocios. Ademais, o Concello asesorará mediante canles telemáticas, dixitais e telefónicos, así como con vídeos explicativos, e entregarán un selo identificativo aos establecementos que completen este itinerario.
"Contaremos con profesionais ao servizo dos negocios analizando e resolvendo cada situación concreta", sinalan os responsables, que farán fincapé na colaboración entre a cidadanía e os negocios locais creando "unha rede sólida de apoio" que será facilmente identificable nas redes sociais a través dos hashtags #ConfíoenPoio e #MercoEnPoio.
Relacionadas:
-
Preto de 100 empresas e negocios foron asesorados a través do programa Poio Confía
Por Redacción |
-
Crean un selo de compromiso para mercar no comercio local "con total confianza"
Por Redacción |
-
A recollida de residuos voluminosos aumentou en Poio durante o confinamento
Por Redacción |
-
Investigan dúas persoas que falsearon a matrícula dun vehículo de alta gama localizado en Poio
Por Redacción |
-
Poio publica unha guía virtual para a procura de emprego en tempos do coronavirus
Por Redacción |
-
Aprobada a ampliación do espazo para terrazas en Poio
Por Redacción |