Establecen zonas de preferencia peonil no paseo de Silgar e Rafael Picó
Por Redacción
O goberno de Sanxenxo decidiu que o paseo de Silgar e a avenida de Rafael Picó teñan zonas de prioridade para viandantes durante as 24 horas do día. A medida súmase aos tramos nos que xa existía preferencia peonil en horario de tarde noite.
A intención do goberno de Telmo Martín é garantir que se manteña a distancia de seguridade entre as numerosas persoas que se esperan durante este verán nestas rúas. A medida aplícase naqueles espazos onde conflúen tránsitos peonís complexos ou nos que as beirarrúas son máis estreitas.
Estas zonas distinguiranse con claridade ao estar pintadas de vermello con círculos brancos. O paseo de Silgar contará con dúas zonas de preferencia peonil durante as 24 horas. Trátase do tramo que vai desde a primeira escaleira de baixada á praia ata a praza Compostela na Rúa Madrid e o segundo tramo será diante do parque de Punta Vicaño.
Tamén na avenida Rafael Picó marcaranse espazos de prioridade peonil como o que se atopa na curva e o que transcorre á altura das escaleiras que baixan da Rúa Progreso a Rafael Picó.
Esta prioridade non leva aparellado, segundo explican desde o goberno local, que se limite o paso de vehículos que precisen percorrer estas zonas pero deberán circular á velocidade mínima e coa máxima precaución ante a presenza de peóns.
Relacionadas:
-
O pintado da zona de preferencia peonil en Sanxenxo estará terminado "a última hora do mércores"
Por Redacción |
-
O Paseo de Silgar, preparado para estrear a preferencia peonil
Por Redacción |
-
Reforzan os equipos de limpeza para acondicionar os parques de Sanxenxo
Por Redacción |
-
Prueban en Silgar un sistema de intelixencia artificial para controlar o aforo nas praias
Por Redacción |
-
Sanxenxo pide 5.000 millóns ao Goberno para rescatar aos concellos afectados pola Covid-19
Por Redacción |
-
Suspendida a feira multisectorial de Portonovo diante da imposibilidade de gardar a distancia social
Por Oskar Viéitez |
-
Praias, estradas e aparcadoiros case desérticos na Lanzada malia a subida de temperaturas
Por Redacción |
-
A Policía Local de Sanxenxo tramitou denuncias a 39 infractores das normas do estado de alarma
Por Redacción |
-
Sanxenxo medirá con drones o aforo das súas praias pero non pensa en reservas con cita previa
Por Redacción |
-
Sanxenxo ordenará o tránsito peonil para manter a distancia de seguridade
Por Redacción |