Reparado o muro de contención na contorna da ermida da Lanzada
Por Redacción
O Concello de Sanxenxo remataba esta semana a reparación do muro de contención do cantil da Lanzada, situado na contorna das escaleiras que se sitúan detrás da ermida.
Un desprendemento de pedras, a finais do pasado mes de febreiro, obrigou a elaborar un proxecto de obra de emerxencia, realizado polo arquitecto municipal, e a valar a zona para impedir o acceso ao detectarse un alto risco de derrube. A obra foi sufragada con fondos municipais e tivo un custo de 9.478 euros.
O alcalde, Telmo Martín, e a concelleira de Planificación Territorial, María Deza, supervisaron o final da obra acompañados do párroco da Lanzada e dos técnicos que executaron a reparación. Tras a visita, procedeuse á retirada do valado e a apertura do acceso.
O Concello de Sanxenxo notificou á Dirección Xeral de Sustentabilidade da Costa e do Mar esta reparación, despois de que o organismo estatal comunicase que non participaría na rehabilitación deste muro ao asegurar nun informe que non afecta o dominio público marítimo terrestre.
Do proxecto tamén se informou á Secretaria Xeral Técnica e do Patrimonio da Xunta de Galicia, xa que a obra inicial fora executada en 1980 para evitar os danos dos temporais e atópase dentro da área de protección da ermida.
Relacionadas:
-
Compromiso da Xunta para mellorar a ermida de Nosa Señora da Lanzada con 50.000 euros
Por Redacción |
-
Sanxenxo reforza a seguridade sanitaria nas súas praias para a tempada estival
Por Redacción |
-
Sanxenxo programa un zafarrancho de desinfección en todos os núcleos do municipio
Por Oskar Viéitez |
-
Sanxenxo xa pensa no verán
Por Oskar Viéitez & Diego Torrado |