Sen hospitalizados por Covid-19 en toda a área sanitaria e con só 62 casos activos
Por Diego Espiño
Por primeira vez desde o inicio da pandemia a área sanitaria non conta con ningún paciente hospitalizado con positivo activo de coronavirus. Trátase dunha situación que xa estivo a piques de darse o 8 de maio, cando tanto os hospitais de Montecelo como O Salnés quedaron sen pacientes de Covid-19, pero permanecía unha persoa no QuirónSalud Miguel Domínguez.
Iso mesmo pasaba este sábado, pero o alta do paciente que estaba a ser tratado no hospital privado deixou libre de coronavirus aos hospitais de Pontevedra e O Salnés, segundo os datos ofrecidos este domingo 17 de maio pola Consellería de Sanidade.
Ademais, a revisión de casos da serie histórica que levou a cabo nos dous últimos días a Xunta fixo caer de maneira importante o número de casos activos, que este domingo situáronse en 62, o que supón un descenso de 31 nas últimas 24 horas. Todos eles evolucionan nos seus respectivos domicilios.
En cando aos pacientes curados, na última xornada foron 34, para un total de 780 ao longo destes meses, mentres que a cifra de falecidos por coronavirus na área sanitaria mantense estable nos 16.
A nivel autonómico, a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 1.199, polos 1.510 do sábado. Deles 277 son da área da Coruña, 77 da de Lugo, 209 da de Ourense, 62 da de Pontevedra, 352 da área de Vigo, 187 da de Santiago, e 35 da de Ferrol.
Do total de pacientes positivos, 18 permanecen en UCI, 94 están en unidades de hospitalización e 1.087 no domicilio. Por agora, na comunidade hai un total de 9.155 persoas curadas, rexistrándose 606 falecementos.
O número de PCR realizadas é de 125.832 e o número de casos de coronavirus detectados en centros residenciais de servizos sociais supoñen o 0,6% do total das persoas residentes. En toda Galicia contabilízanse 164 usuarios e 122 profesionais contaxiados en centros residenciais e produciuse 132 falecementos en residencias e 138 en hospitais e residencias integradas.
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus. Neste número pódense resolver todas as dúbidas dos cidadáns respecto diso e tamén consultar sintomatoloxía leve.
Sinalar, ademais, que o Sergas ten ao dispor da cidadanía unha páxina web, na que se pode consultar información dirixida á poboación, aos profesionais sanitarios e a outros colectivos.
Relacionadas:
-
Persoal técnico auxiliar de Enfermería denuncia irregularidades na adxudicación e renovación dos contratos
Por Redacción |
-
Cuarto día consecutivo sen pacientes hospitalizados por coronavirus na área sanitaria, con 51 casos activos
Por Diego Espiño |
-
Segundo día sen hospitalizados por coronavirus na área sanitaria, que ten 57 casos activos
Por Natalia Puga |
-
Anestesistas do complexo hospitalario demandan un facultativo de reforzo
Por Redacción |
-
A área sanitaria baixa do centenar de casos activos por coronavirus por primeira vez desde o 20 de marzo
Por Diego Espiño |
-
Estabilidade nos casos activos de coronavirus na área sanitaria, que acumula 725 pacientes curados
Por Natalia Puga |
-
Nova redución dos positivos por coronavirus, que baixan a cifras da terceira semana de marzo
Por Natalia Puga |
-
Balance de coronavirus na área sanitaria: 110 casos activos e 3 persoas hospitalizadas
Por Diego Espiño |