Identifican 4 persoas máis, unha delas menor de idade, por coarse nunha finca da Puntada para beber alcol
Por Redacción
A mediados do pasado mes de abril, concretamente o domingo 12, a Policía Local de Poio informaba da investigación a dúas veciñas do municipio que foran sorprendidas nunha finca privada da Puntada bebendo alcol.
Agora, máis dun mes despois, a investigación pechouse coa identificación doutras catro persoas máis implicadas, entre elas un menor de idade.
A todos eles impútaselles un presunto delito de roubo con forza e danos no interior dunha propiedade privada.
Segundo informou a Policía no seu momento as dúas mozas sorprendidas in situ na finca, que habitualmente se aluga para a celebración de festas e eventos, terían accedido á mesma saltando o peche e forzando a porta para entrar. Cando as localizaron, atopábanse nun dos veladores da parcela, onde consumían bebidas alcohólicas que os donos gardaban no lugar.
Algunhas das seis persoas identificadas, sinala a Policía Local, foron denunciadas ata en tres ocasións durante as últimas semanas por incumprir as directrices do estado de alarma e facer festas nunha casa próxima.
Estas denuncias foron remitidas á Subdelegación do Goberno, mentres que as dilixencias da investigación foron enviadas á autoridade xudicial.